مناجاة

77 علامة على نصر أهل غزة

2009-01-22T13:26:00.001+02:00

موقع المختصر / كتب مقال: (ملامح النصر في معركة غزة) في الأسبوع الثاني من العدوان والآن قد أضحت تلك الملامح حقائق وتضاعفت كثيرا وهذا ما تيسر من رصد لها:

1) صواريخ المقاومة انطلقت صوب المغتصبات الصهيونية خلال كلمة رئيس وزراء الكيان الصهيوني التي أعلن فيها تحقق أهداف حملتهم على غزة وفي اليوم الأول لوقف العدوان انطلقت بضع صواريخ بالإضافة لاستمرار إطلاقها في جميع أيام الحرب رغم الحصار الخانق

2) ضرب مصنع للبتروكيماويات بمدينة أسدود بصاروخ واشتعال حريق كبير وغاز قد يكون خطير

3) ثبات المجاهدين أمام أقوى جيوش المنطقة رغم قلة عتادهم مع حشد عدوهم لثلث جيشه ضدهم

4) طول فترة الصمود مقارنة بثلاثة جيوش عربية عام 67

5) كشفت صحيفة "معاريف" أن قائد المنطقة الجنوبية في جيش الاحتلال، يوآف غالنت، أوضح للمستوى السياسي أن المرحلة الثالثة من العدوان تتطلب سنة كاملة على الأقل لتحقيق أهدافها.

6) منذ احتلال فلسطين قبل ستين عاما فهذه أول معركة حقيقية تجري بين المقاومة الفلسطينية واليهود على أرض فلسطين وهذا تحول تاريخي ونقلة كبرى وستتلوها بأذن الله معارك تحرير كل فلسطين.

7) تضامن أهل غزة مع المجاهدين وثباتهم وعدم نزوحهم لمصر كما يحدث من أي شعب آخر

8) قلة الخسائر البشرية بالمقارنة مع عدد السكان(القتلى والمصابين 1 من 230 من السكان) وضيق المساحة (ربع الرياض) وحجم المتفجرات(مليون كيلو).

9) رغم مقتل 1300 غزي فقد ولد في أيام العدوان أكثر من 3000 طفل في غزة)

10) خسائر غزة المالية مليارين دولار والمساعدات الموعودة حتى الآن حوالي المليارين

11) حفظ الله لمعظم قادة حماس

12) استشهاد قائدين من حماس أخرس متهمي قادتها بالهروب والتترس بالناس وأسبها تعاطفا إضافيا

13) استهداف المدنيين والبيوت والمدارس والمسعفين والأمم المتحدة لفشلهم في تحقيق أهدافهم

14) منع الصهاينة ل350 صحفي من دخول غزة حتى لايروا نصرهم المزعوم

15) نجاح استراتيجية حماس في إدارة المعركة

16) قلة خسائر المجاهدين البشرية (48 من القسام)

17) لأول مرة يكون عدد قتلى العدو أثر من عدد شهداء المجاهدين (قتل 80 جنديا إسرائيليا)

18) صحيفة نيوزويك الأمريكية : إذا كانت إسرائيل قد حققت شيئاً فليس أكثر من منح حماس مزيداً من الشعبية ، ومن إسكات الأصوات المناوئة لها

19) فشل العدو في تحقيق أهدافه:إسقاط حماس- إعادة غزة للعملاء- وقف الصواريخ

20) تراجع العدو في أهدافه من الكبير إلى الأصغر خلال فترة الحرب:من إسقاط حماس إلى إيقاف الصواريخ إلى تخفيفها إلى منع تهريب الأسلحة من مصر إلى الهدوء مقابل الهدوء

21) عدم إعلان العدو لأهدافه خشية من عدم تحققها اعتراف بقوة الخصم

22) وزيرة خارجية العدو أبلغت أحد الرؤساء في المنطقة أن مدة الحرب ستكون ثلاثة أيام فقط يوم لقطع الرؤوس بالقصف ويومان للاجتياح البري ورغم تمديد المدة لكنها انتهت بالفشل

23) توقيت المعركة وأهدافها قد قدمت فيه المصالح الشخصية لعصابة الثلاثة ما بين انتخابية لباراك وليفني وتلميع صورة لأولمرت وعندما يكون الهم في المعارك شخصيا يحدث بالفشل.

24) صحيفة "معاريف" : من الواضح أن حماس لم تتكبد خسائر إستراتيجية

25) الخبير الإستراتيجي اليهودي البارز أنتوني كوردسمان، المحلل بمركز الدراسات الإستراتيجية والدولية في الولايات المتحدة : إسرائيل "انهزمت إستراتيجيا"

26) المراسل السياسي لصحيفة »معاريف« بن كاسبيت يكتب أن الحرب توقفت »لأننا تعبنا«. وهو ينقل هذا التعبير عن وزير رفيع المستوى في حكومة أولمرت أبلغ الصحيفة أن »هذا ليس سهلا. فإدارة حرب هو أمر يمزق الأعصاب ولا سيما في ظل ثقافة لجان التحقيق التي طورناها هنا، كل خلل أو خطأ بالصدفة أو انعدام الحظ يمكن ان ينهي لك حياتك السياسية. غدا اوباما يدخل البيت الأبيض، العالم قام علينا، من لديه القوة لذلك. صحيح، يوجد للدولة مصالح، ولكن هذه يمكنها أن تنتظر"

27) استيعاب حماس للضربة الأولى و(الصبر عند الصدمة الأولى) رغم أنها كانت مفاجئة وعنيفة

28) لم تكن علامات البهجة تكسو وجهي رئيس الوزراء الاسرائيلي ووزير دفاعه وهما يعلنان عن وقف أحادي الجانب للحرب

29) استطلاعات الرأي تقول أن نصف الصهاينة يرون أن العدوان قد فشل في تحقيق أهدافه

30) حصار مليون صهيوني في الملاجيء

31) زيادة مدى الصواريخ عما قبل المعركة واقترابها من مفاعل ديمونا وتل أبيب

32) قصف قواعد ومدن لم يسبق لجيش عربي ضربها

33) شعبية حماس لم تقتصر على فلسطين بل اكتسحت العرب والمسلمين وحتى الغربيين (5 ملايين تظاهروا نصرة لغزة) وبدرجة لم تعهد من قبل كما وكيفا حتى قال قال الصهيوني نائب رئيس الحكومة الإسرائيلية الوزير ايلي شاي زعيم حزب شاس المتدين:لقد تحول العالم للوبي داعم لحماس

34) تحول نوعي في اهتمام الأمة وعواطفها نحو برامج عملية جديدة في النصرة

35) خروج العلماء من صمتهم ببيانات أقل ما يقال عنها أنها قفزة نوعية في مواقف العلماء وستعيد إلى العلماء دورهم المغيب والرفع من سقف ببناتهم (بيان ال 100 ووفد العلماء للرؤساء)

36) في صحيفة هآرتس الإسرائيلي اعتبر احد كتابها روز ينسلم ان الحرب على غزة كانت الأغلى ثمناً لما ألحقته بإسرائيل من ضرر لا يمكن إصلاحه ،

37) المقاومة» انتزعت أغلى وأثمن انتصار في الميدان ، وعلى ساحة الرأي العام الدولي الذي لم ينتفض تعاطفاً مع شعب كما انتفض تأييداً لغزة والمقاومة

38) تكريس واقعية المقاومة وإمكان نجاحها

39) خسارة غزة الاقتصادية مليارين ونصف وخسارة الصهاينة مليارين ونصف رغم فارق السلاح وأثره التدميري

40) صوارخ المقاومة أحدثت أكثر من 2200 إصابة في صفوف الإسرائيليين معظمهم نقلوا للمستشفيات نتيجة الذعر والهلع

41) استمرار حكم حماس لغزة وارتفاع شعبيتها في الضفة

42) كانت حماس تسعى للصلح مع عصابة عباس وهم يرفضون والآن انعكس الأمر وهذا عباس يدعوهم لتشكيل حكومة وفاق وطني للخروج من الورطة التي وقع فيها

43) سقوط الثقة الدولية في سلطة عباس كمسؤول عن إعادة الإعمار فأصبح الحديث هل تسلم المساعدات لحماس أم عبر مؤسسات دولية وعلى كلا الحالين فمآل الاستفادة منها لحماس وهي تحكم الميدان

44) فضح تواطؤ أنظمة عربية وقيادات فلسطينية مع العدو بشكل غير مسبوق زلزل عروشهم

45) رفضت حماس تقديم أي تنازل سياسي

46) توجيه ضربة موجعة للتطبيع العربي الصهيوني:تجميد العلاقات من قطر وموريتانيا وجفاء مع مصر وتهديد بسحب المبادرة العربية

47) أعلن العدو وقف إطلاق النار من طرفه فقط بعدما عجز عن فرض شروطه على حماس

48) فضح الزيف الأخلاقي لليهود أمام المخدوعين بدعاياتهم في العالم (قتل أطفال وتدمير وأسلحة محرمة)

49) الاعتراف الدولي بحماس وعبر أعلى سلطاته (مجلس الأمن) "وهو ما قلب المعادلة تماماً من "سحق حماس" إلى "الاعتراف بحماس"

50) ذكرت هأرتس أن الإتحاد الأوروبي يسعى إلى إنهاء حالة عدم الاعتراف بحماس

51) المسارعة الدولية لإنقاذ بني صهيون من مأزقهم بعدما لاحت نذر الفشل

52) حضور حماس لأول مرة لقمة عربية إسلامية وما يحمله من كسر الحاجز النفسي لدى الحكومات العربية الرافض لحكم حماس

53) سباق ماراثون القمم وكل يحاول تقديم إنجاز أكبر من غيره في نصرة غزة

54) بروز حكومات عربية كأنصار أقوياء لحماس سياسيا وتغير المواقف العربية من حركة حماس من الضغوط عليها إلى تبني مطالبها وإلقاء التبعة جميعها على الكيان الصهيوني،

55) بروز الدور التركي كنصير قوي لحماس

56) إضعاف الدور الإيراني سياسيا وإبراز الدور التركي بخلاف حرب تموز ومافيه من عدم سب حماس بعلاقتها مع إيران وتخفيف مخاوف الدول العربية من علاقة حماس بإيران

57) نصر غزة سيظهر أثره على التيار الإسلامي في بلاد المسلمين بتعزيز تأثيره شعبيا ورسميا

58) انحدار الجندي اليهودي رغم كل عتاده إلى درجة غير مسبوقة من الهوان والذل والرعب بلبس حفائظ الأطفال خوفا من النزول من الدبابات لقضاء الحاجة

59) الفشل الذريع للموساد الأسطوري في كشف أماكن القادة والأسلحة وشاليط وحجم قدرات المجاهدين

60) النصر الإعلامي عبر القنوات والإنترنت والصحف حتى الصهيونية

61) إسقاط الحصار

62) إسقاط خيار قوات دولية في غزة

63) نجاح حماس فيما مضى من معارك سياسية في آخر الحرب وبعد توقفها

64) انتقال حماس مد دور الدفاع فلسطينيا وعربيا ودوليا إلى دور الهجوم (الآن نغزوهم ولايغزوننا)

65) حدوث خلاف علني بين اليهود والمنافقين العرب بعد فشل العدوان

66) يعمل الجيش الإسرائيلي على إعداد ملف للدفاع ضد المحاكمات الدولية المنتظرة على جرائمه الحربية لأول مرة في تاريخه وقد أبدى بعض الوزراء قلقهم

67) أوضح أفيغدور ليبرمان الذي يرأس حزب إسرائيل بيتنا أن حماس لن تستمر على ضعفها إنما ستكون أفضل من حزب الله في غضون عام "وسيكون لديها مئات الصواريخ القادرة على الوصول إلى وسط تل أبيب واستهداف مقر الحكومة.
كما اعتبر أن العملية العسكرية جعلت من حماس لاعباً مهماً في المنطقة، وأن الأمر قد يستغرق بعض الوقت فقط "قبل أن تنهار حكومة رام الله في أيديها.

68) استطاعت حكومة المقاومة إدارة قطاع غزة تحت النار، ووزعت الرواتب على الموظفين خلال الحرب، وقامت المؤسسة الأمنية بواجباتها بكل جدارة، كما كان لافتاً قدرة الحكومة على دفع مبالغ مالية تقدر بثلاثة آلاف دولار لكل عائلة تضرر منزلها لتستأجر منزلاً حتى يبنى منزلها من جديد، وغير ذلك من المساعدات.

69) قالت الوكالة الدولية للطاقة الذرية إنها ستحقق فيما تقدمت به الدول العربية وسلمه السفير السعودي بأن إسرائيل استخدمت ذخيرة تحتوي على يورانيوم منضب مضر بالصحة خلال حربها على قطاع غزة.

70) المحاكمات والتحقيقات الجارية والقادمة ستشكل ردع كبير للصهاينة عن أي عدوان آخر

71) قطع فنزويلا وبوليفيا علاقاتهم مع الكيان الصهيوني وجمدتها قطر وموريتانيا

72) ( إذا كانت قوات النخبة في جيش إسرائيل فشلت في القضاء على حماس، فهل كنا سنستطيع نحن ذلك؟). محمد دحلان

73) العدو قرر منع نشر الأسماء الكاملة لكبار الضباط الذين شاركوا في العدوان، وذلك بهدف منع إمكانية تقديمهم للمحاكمة من قبل منظمات دولية بدعوى ارتكاب جرائم حرب لكن قام موقع عبري بنشر أسماء قادة الاحتلال المطلوبين للمحاكمة دوليًّا

74) صحيفة أوبزرفرالبريطانية : الكيان الصهيوني مُني بهزيمة عسكرية وأخلاقية في غزة

75) قال موشيه يعلون رئيس ألأركان السابق ، وقائد حرب جنوب لبنان في يولية 2006م " كل ما فعلناه أن الجيش بقي يراوح مكانه في غزة .

76) ذهب دبلوماسي نرويجي في حديث لقادة حماس إلى حد القول إنه لو علم الإسرائيليون بأن ما سيفعلونه سيفجر العالم على هذا النحو ويجدد التعاطف الاستثنائي مع الحركة لما شنوا عدوانهم

77) انتزع الاستعمار فلسطين من تركيا الخلافة والآن تعود تركيا لنصرة فلسطين كأم رؤوم تبشر بعودة وحدة المسلمين.

أبو سلمان

إبراهيم بن عبد الرحمن التركي

المشرف العام على موقع المختصر

www.almokhtsar.com

فيديو يحرق القلب

2009-01-15T11:53:00.004+02:00

سامحينا ياخلود

2009-01-12T18:13:00.003+02:00

اللهم اشف صدور قوم مؤمنين

2009-01-12T16:31:00.001+02:00

الجزمة هي السبب يعني الجزمة هي السبب

2009-01-06T15:33:00.002+02:00

يافتاح ياعليم يارزاق ياكريم

ياخبر أبيض

لاحول ولا قوة الا بالله

منهم لله ربنا ينتقم منهم ربنا يورينا فيهم يوم

يارب صبر أهاليهم يارب يأجرهم اجر الشهداء

طب هاتولنا كده الجزيرة اما نشوف بيقولوا ايه

ياساتر الجزيرة دي انا بكرهها حتى لو بسمع منها خبر صحيح باقي الاخبار مابين تعتيم ومابين تطبيل ومابين محاولة مش قادرة انكرها لافساد مزاجي وتعكير صفو حياتي

بقولكوا ايه الله يكرمكوا غيرولنا القناة دي دي جابتلي اكتئاب ايه الحرب النفسية دي

يووووه ولا دي كمان,,, غيرها ازاي ياجماعة,,, ماهي نازلة تطبيل وتزييف هي كمان

لأ انا هنزل حالا قناة الاقصى يمكن الاقي حاجة تبرد النار اللي جوايا

الله اكبر

يارب أيدهم يارب انصرهم

يارب ارهب عدوهم وزلزل الارض من تحت اقدامه

لا لسه,,, لسه مش مرتاحة

خدي هنا تعالي,,, ايه الدوشة اللي انتي عاملاها دي,,,,, ايه التخبيط اللي انتي فيه ده

دوشة؟؟؟!!!

دوشة ايه,,,,,,, هي قضية بسيطة؟؟؟؟ دي حرب ده دمار

طب كويس والله طب والحرب دي ليه من وجهة نظرك ياريت تفيدينا

سبب الحرب يعني؟؟؟

ايه السؤال الغريب ده؟؟؟؟؟؟؟؟؟؟ هو ده سؤال اصلا

ده حتى كل شيء باين زي الشمس ومش محتاج سؤال

يعني افهم من كده انك فاهمة كل حاجة؟؟؟ طب حيث كده بقى يبقى نتناقش,,,, ده انا حتى

يسعدني اني اناقش حد بثقافتك

وانا كمان يسعدني

بقولك ايه هو ايه سبب الحرب الدايرة على غزة دي,,,,, ومن فضلك من غير اسهاب ولا
تطويل واظنك فاهمة يعني ايه اسهاب ويعني ايه تطويل

السبب؟ السبب معروف جداااااااااااا

السبب؟

السبب هو:...........
هو........................
هو........................
هو...........................

ايه الهوهوة دي كلها انا عاوزة رد انا معنديش وقت

هوهوة؟؟؟ والله ماكنت اقصد اهوهو انا كنت لسه هتكلم

ايه ياربي السؤال المحرج ده؟؟؟ انا مكنتش متخيلة انه صعب كده

طب بسرعة كده هجري الف عالانترنت طيران وان شاء الله مش هاخد وقت اصل انا خبيرة في اللف على المواقع

ده حتى لما بحب اعرف مقادير البشاميل ممكن اوصل للنتيجة في ثواني وكمان ادخل انفذ اللي قريته في دقايق

ياااااااااااه انا تعبت,,, انا مش عارفة ارد وشكلي وحش جدا واللي هيوحشه اكتر حتة اني عارفة يعني ايه اسهاب ويعني ايه تطويل

بس خلاااااص وجدتها وجدتها

الحمد لله الحمد لله لقيت رد يحفظ لي ماء وجههي

لسه فاكرة حالا الست بتاعة الجرجير لما روحت اشتري منها من يومين لقيتها بتتكلم عن غزة,,, ده حتى قالت في وسط الكلام:
انا كنت حاسة ان الموضوع ده مش هيعدي على خير

وطالما واحد عربي اتجرأ يرفع عليه الجزمة وباقي العرب هيصوا وفرحوا فالراجل ابو قلب اسود ده لا يمكن يسكت

مممممممممممم

تصدقي ممكن؟؟؟؟؟؟ تصدقي سبب وجيه

واتاريهم عمالين يقولوا واضح وزي الشمس!!!!!!!!

عاااااااااا (1)

2008-12-10T20:30:00.007+02:00

الام: تعال ياحبيبي اتسحر عشان تصوم معانا بكرة الوقفة
سفروت: انا لسه صغير ياماما خليها لما اكون في سنة رابعة
الام: تعال بس اتشجع شوف احنا سهرانين لغاية وقت متأخر واكيد هتصحي متأخر واليوم هيعدي بس تعال
سفروت ممتعضا: مااااااااشي ياماما بس لو حسيت اني عاوز افطر في اي وقت هفطر اديني بقولك من دلوقتي

وصام سفروت الحمد لله وبعد الافطار:

ماما ده انا عرفت النهاردة ان صيام يوم الوقفة ده ليه ميزة رهيبة
خير ياحبيبي عرفني اللي عرفته

تخيلي ياماما الميزة ان اليوم ده يكفر ذنوب الانسان بتاعة السنة اللي فاتت وبتاعة السنة اللي جاية يعني حاجة اشطة جدا ياماما
اشطة جداااااا يعني ايه !!!!!!!!!!!!!!!

يعني يعني براحتي بقة ياماما لمدة سنة قدام
براحتك ؟؟!!
براحتك يعني ايه

يعني ياماما.......يعني .........عديها بقة ياماما

اعديها ؟؟؟؟؟؟

عاااااااااااااااااااااااااااااا

هل توافق تتجوز مدونة؟؟

2008-06-10T12:21:00.004+03:00

هل توافق تتجوز مدونة
هل توافقي تتجوزي مدون
تقريبا كل مدونة بتكشف عن طبيعة صاحبها بشكل كبير وبتوضح اتجاهاته وتوجهاته سواء الدينية أو السياسية او غيرها,

وفعلا المدونات دي كشفت عن تفكير الشباب وقربت بينهم وبين الأجيال الأكبر منهم, يعني أنا مثلا استفدت كتير من معرفة افكار شباب الجيل ده وده ساعد كتير ان تفكيري لا يقف عند حدود ما اعلمه وأصبح عندي اتساع في الفهم وسعة في الصدر اكتر من الأول, وأنا سعيدة بكده وأتمنى اني أفضل كده علشان التعامل مع اولادي مستقبلا

اعتقد ان ابواب البحث عن زوجة زادت باب جديد بسبب عالم التدوين، بل بالعكس انا اعتقد ان المدونات بتكشف عن صاحبها بشكل اكبر من تواجده في اماكن تانية زي زمالة العمل مثلا, لان المدونة تعتبر متنفس كبير لافكار صاحبها وكونه بيكتب في عالم افتراضي فده بيديله مساحة اكبر من الحرية والصراحة اكتر من عالم الحقيقة

اينعم بتحصل دلوقتي لقاءات بين المدونين وبعضهم واقترب العالم الافتراضي من ارض الواقع لكن علشان تتم اللقاءات دي لازم على الاقل يكون في قدر من التوافق والقبول بين الناس المدونين اللي هايتقابلوا او تكون في حلقة وصل وسبب مشترك للقاءهم زي اللقاء اللي تم لتوقيع مدونات مصرية للجيب,

لدرجة ان اللي يتتبع تعليقات المدونين عن اللقاء يلاقي ان كل واحد قابل التاني وهو مكون فكرة اساسية عنه تكاد تقترب من الواقع كثيرا الا مثلا الشكل اللي بيكون مختلف تماما عن الصورة اللي تكونت في العقل وده معتاد

هاتكلم عن المدونات ذات الشكل الواضح الخالي من الابهام, المدونة اللي تدخلها تعرف بدون جهد صاحب المدونة بيفكر ازاي لدرجة انك لما تدخل تعلق عنده بتكون متحسب ان الكلمة دي ممكن تزعله أو التعليق ده ممكن يقلب التدوينة لمعركة أو حتى مجرد انك تتخيل ان تعليقك هيسيب ابتسامة على وجه صاحب المدونة

اذن لا يوجد مانع ان القدر ده من الوضوح ممكن يكون سبب لاعجاب مدون بمدونة أو العكس او كما يقال باللفظ كده: دي دماغها عاجباني او يتقال: ده شخصية عقلانية جدا
بتكلم طبعا في حدود الضوابط الشرعية ولا مجال للكلام ولا الطريقة الا يكون فيها افراط او تفريط

دلوقتي السؤال لو مدون اعجب بمدونة وحس ان طريقة تفكيرها وطبيعة شخصيتها مسيطرة على اجواء المدونة وتظهر في كل تدوينة بلا اختلافات مفاجئة وكذلك في التعليقات اللي بتتركها المدونة في المدونات التانية, ايه الطريقة السليمة اللي يقدر المدون يعملها علشان يتحرك في خطوات صحيحة وتصرفات مرتبة علشان يشرع فعلا في الأمر ده؟؟

طبعا ممكن ناس تستغرب لطريقة تفكيري نظرا لان التعارف بين اي شاب وفتاة الان ممكن يتم اسهل من تفكيري ده بكتير,, لكن اعتقد ان قطاع من الشباب مازال بيفكر بالطريقة دي حتى ولو من باب ان التعارف الاول يكون في الذاكرة الطيبة مدى الحياة لو تم المراد وحصل الزواج بالفعل.

وفي حاجة مهمة جدا انا لاحظتها من كلامي مع كتير من المدونات واللي اغلبهم ليه تفكير معين على الاقل متوافق مع تفكيري, ان عدد كبير منهم مدوناتهم سرية محدش من اهلهم يعرف انهم عاملين مدونة او حتى يعني ايه مدونة يعني معنى كده ان في فرص كويسة فعلا ممكن تتعرض على البنت والبنت تخاف اصلا انها تذكر لاهلها ان فلان ده عرفته عن طريق المدونة, ده كمان في اهل عندهم رعب من كلمة النت يعني صعب على البنت انها تقول في البيت انا جايلي عريس من النت,, ممكن تقول جايلي من اي حتة ان شالله من مترو الانفاق لكن النت لأ

طبعا اللي شاغل تفكيري الشباب الملتزم والبنات الرائعة اللي تحس انهم يستاهلوا كل خير وتلاقي نفسك بتدعي لحد منهم بدون متعرفه شخصيا, ولدرجة اني انا نفسي احيانا احس ان المدون ده ممكن يصلح للزواج من المدونة دي من شدة تقارب افكارهم

علشان اكون محددة اكتر في سؤالي
لو لقيت بنت مدونة عجبتك هتعمل ايه بالظبط علشان تمشي في الموضوع؟
وهل انت اصلا توافق تتزوج من مدونة؟؟؟ وفكر كويس في السؤال ده قبل ماتجاوب وعلشان تسأل نفسك بصراحة في بقية للسؤال هل لو فعلا شرعت في موضوع الزواج من مدونة هل اول طلب هتطلبه منها انها تنسى موضوع المدونة دي خالص وكأنها لم تكن؟ وبذلك تكون المدونة بدأت سرية وبعد كده تتلغي وهي تكون الواحدة كسبت بدالها زوج :)؟
يعني مطلوب ان اللي يفكر يحط اخته او بنته مكان المدونة وبعدين يرد

بجد التفكير ده موجود ومش كل الازواج بيوافقوا ان زوجاتهم يكون ليهم مدونات رغم سابق علمهم بتفكيرهم وطريقة تعاملهم مع المدونين الآخرين لكن احيانا ده بيتم من باب الباب اللي يجيلك منه الريح ومن باب يعني هتقولي اللي محدش قاله مالدنيا مليانة مدونات

طبعا الكلام ده هيكون اجمل لو نعرف رأي مشايخ يكونوا اتسألوا في مسألة التعارف بين الشباب عن طريق الانترنت بهدف الزواج ليس الا
منتظرة رأيكم

تحديث
في التعليقات على التدوينة كان في تعليق لمدونة جديدة اسمها خاطبة المدونات وانا زورت المدونة وعلقت عندهم وده تعليقهم وتعليقي

خاطبة المدونات يقول...

نريد متطوعون لإنجاح فكرة المدونة
ومن يجد في نفسه حب الخير فليتفضل
elkhatbah60@yahoo.com

انا زورت المدونة واحييكم على تحمسكم, بس اعتقد ان التعريف بيكم في المدونة غير كافي, اعتقد ان الزوار محتاجين يعرفوا اكتر عنكم, موضوع الزواج في حد ذاته صعب ولا يحتاج إلى امور فرعية تشغل بال طالب الزواج
بالنسبة لي انا لما طرحت مادار بتفكيري على هيئة تدوينة, لم أكن اقصد على الاطلاق موضوع عريس طالب عروسة وخاطبة وطلبات زواج, ولم اقصد الشكل المرتب ده وليست عندي القدرة اني افتح مدونة يكون هدفها الأساسي التزويج وذلك ربما لعدم مطابقة مواصفات الخاطبة علىّ وربما يكون السبب ان الانترنت الأن اصبح ملئ بمواقع التزويج بشكلها المعروف واكتب بياناتك واكتبي بياناتك ويلا بينا نوفق راسين في الحلال,
ولكن انا قصدت الاختيار الغير المخطط له, يعني شاب فعلا في عمر الزواج وهو بالفعل مدون وموجود على الساحة بأفكاره قبل كونه مشروع زوج وكذلك المدونة وكلاهما يكتب بطبيعته فعلا وبلا تكلف وبدون سعي خفي للحصول على شريك العمر,
وكما هو واضح في المجتمع التدويني ان كل مجموعة من المدونين تقريبا بيكونوا متوافقين أو نقدر نقول مندمجين ومنهم المتفقين ومنهم المختلفين, لكن حتى في وجود اختلاف بيقدروا يتناقشوا حتى لو لم يصلوا الى نقطة التقاء,
نفس المجتمع ده لو اتوجد فيه الشاب اللي عاوز يتجوز ووجد فعلا بنت مدونة يشعر ان في قبول مبدئي تجاهها ممكن ساعتها يلجأ لطرف ثالث يساعده على تحويل التفكير لواقع وده كان اول تعليق على التدوينة للفاضل د/ ابو يحي وادم وووافق عليه بعض المعلقين وانا منهم,
لكن سامحوني ان الزواج يكون على هيئة طلب ومعاه مسوغات الطلب من عدد معين من التدوينات وماشابه فلم تعجبني الفكرة مع احترامي لفكرتكم, واخشى ان الفكرة تتطور ويكون قالب المدونة او وجود ريدر من عدمه عوامل مؤثرة في رفض الطلب :)
واسأل الله ان يجزيكم خير على نيتكم.

اختبار ماقبل المدرسة

2008-02-13T09:56:00.008+02:00

وصلني ميل عجبني قولت اشرك الناس معايا

كان نفسي اعمل الموضوع على هيئة مسابقة بس مش هينفع لان ده

هايستلزم اني اتابع المدونة بعد كل تعليق وانا لازم اسيب المدونة لغاية ماتناديني وتقولي

تعاليلي ده انا زي اصغر عيل من عيالك ازاي تسيبيني كده

هاحط الميل كوبي وبيست واتكل على الله

واتمنى ان اللي يكون حلها صح نعرفه ونهنيه ونكافئه

وهنسيبه كمان يختار هديته بنفسه

اختبار دخول المدرسة بالولايات المتحدة

Which way is the bus below traveling ?

لنفرض أن الحافلة أدناه تسير، فإلى أي إتجاه تراها سائرة؟؟؟

Can't make up your mind?
Look carefully at the picture again.

لا تستطيع الجزم ؟؟!! أنظر جيّداً للصورة !!

Still don't know?

ألم تعرف بعد؟؟

Pre-schoolers all over the United States were shown this picture asked the same question. 90% of the pre-schooler's gave this answer.

لقد عرضت هذه الصورة على الأطفال ما قبل دخولهم المدرسة في جميع أنحاء الولايات المتّحدة و تمّ توجيه هذا السؤال لهم، و كانت إجابة 90% منهم كالتالي:

'The bus is traveling to the left.'

أن الحافلة متجهة إلى جهة اليسار

When asked, 'Why do you think the bus is traveling to the left?'

They answered:

و عندما سئلوا لماذا تظنون ذلك، كانت الإجابة كالتالي:

'Because you can't see the door to get on the bus.'

لأنه لا يمكننا رؤية باب الحافلة الذي نصعد منه إليها

How do you feel now ???

كيف تشعر الآن بعد أن عرفت الإجابة ؟؟

I know, me too.

لا تخبرني بالأمر، أعرف هذا الشعور جيّداً

لأ لأ بالراحة على دماغك كل شيء يتظبط في المدارس

نيو لووك في الطبع مش في الشكل

2008-01-12T01:38:00.000+02:00

أولادي حبايبي فلذات اكبادي ربنا يباركلي فيهم ويقر عيني بيهم

اولادي دول كانوا مجتمعين مع بعض في حالة صفا على غير العادة وكانوا قاعدين وتفضلت

الكبيرة بتاعتهم بحكاية قصة ليهم واضح ان القصة كانت شيقة بالنسبة للمستمعين و انا كنت

سامعة الحوار من بعيد وكنت مركزة معاهم من غير مالفت نظرهم اني مركزة.

القصة كان اسمها "هل لديكم أُماً للبيع" بالنحوي كده زي ما انا كاتبة

القصة كانت عن بنت صغيرة زعلانة من مامتها علشان تصرفات مامتها كانت مضايقها

التصرفات دي اللي هي الزعيق والضرب والمعاملة اللي مش كويسة

البنت اتضايقت جدا لدرجة انها بدأت تفتح الاعلانات المبوبة في الجرايد علشان تدور على ام تشتريها بدل مامتها اللي مايعلم بيها غير ربنا

صديقة البنت دي لما شافتها بتعمل كده استنكرت وسألتها هو في امهات بتتباع وبيعلنوا عنهم

في الجرايد؟؟؟

ردت البنت وقالتلها انا سمعت جدي بيقول ان الجرايد بتعلن عن أي حاجة

ممكن الناس تحتاجها

راحت الصديقة دي حكت لمامتها قصة البنت

ام الصديقة انزعجت وقررت تتدخل علشان تحل المشكلة

اتصلت بأم البنت واتفقت معاها انهم يعملوا خطة عبارة عن تغيير في شكل الأم وصوتها

سأل ابني الصغير اخته يعني ايه تغيير قالتله تغيير يعني نيو لووك

رد التاني وسأل نيو لووك؟؟ مش النيولوك ده في الشكل

ردت وقالتلهم لأ طبعا

ممكن النيو لووك ده يكون في الطبع مش لازم يكون في الشكل بس

(خدوا بالكم انا حالتي ايه دلوقتي)

المهم الام نفذت الخطة وعملت التغيير المطلوب وقالوا للبنت دي الام الجديدة وانتي كمان

لازم تغيري الحاجات الوحشة اللي عندك علشان امك الجديدة تحبك وافقت

اندمجت الام الجديدة والبنت واتبسطوا ببعض

وبعد كده كشفوا للبنت الخطة واثبتولها ان تغيرها هي كمان ساعد في حل المشكلة

رد ابني الصغير وقال بس المهم ان الام كمان غيرت من نفسها

بعد نهاية القصة انا اتدخلت بشكل لطيف وقلتلهم الله القصة دي جميلة اوي قاموا باصين

لبعضهم جامد

وانفجروا في الضحك .....

طب ضحكوا ليه؟؟؟؟

طب كانوا عاوزين يقولوا ايه؟؟

دول فقراء ولاتهيؤات؟

2008-01-07T20:13:00.000+02:00

حارس عمارة عنده كوم لحم بيناموا في عز الشتا ده على كوم هدوم
(اي حاجة غير سرير يعني) معندوش ولا كرسي ولا كنبة حد يقعد عليهم
(هتقولوا هما بيحبوا يقعدوا عالأرض )
ماشي بيحبوا كده هاعديها
الاب حريقة سجاير
الابناء كل واحد منهم ميقدرش يعيش من غير موبايل مع تغيير النغمات واللوجوهات بصفة دورية
عندهم دش ومايعديش يوم عليهم من غير ميتفرجوا على ميلودي وروتالا سينيما
(ايوه انا كاتباها صح)
احيانا يهفهم مزاجهم ويجيبوا عشوة من كووك دور

واحدة بتجري على ولادها علشان تساعد جوزها في الايام الصعبة اللي احنا فيها
(ده كلامها)
تشتغل في بيت مثلا طول اليوم وتروح مش شايفة قدامها من التعب
وهي مروحة بيتها تروح السوبر ماركت علشان تشتري لولادها لانشون وجبنة شيدر واحيانا هامبرجر وكاتشب

بيت يشكو الفقر طول السنة من مصروفات المدارس وكسوة الأعياد
ولما يجي فرح حد من ولادهم لازم يكون في دي جي
وهو ينفع يكون ابنهم ولا بنتهم اقل من ولاد الجيران ده حتى تبقى عيبة

واحدة موظفة حالتها كرب بتستنى مرتب الشهر الجاي من يوم ماتقبض مرتب الشهر الحالي بتقول انها لازم تروح كارفور علشان في حاجات حلوة بيكون عليها
ديسكاون (مكتوبة صح دي كمان)
الحاجات الحلوة دي ممكن تكون اساسا كماليات في حد ذاتها مش اساسيات ده غير عناء المشوار لكارفور في المواصلات

نماذج كتير محيرة دول فعلا فقراء ولا مش فقراء

دول تجوز عليهم الصدقة ولا لأ

تجوز عليهم الزكاة ولا لأ

ابتسامة عريضة

2007-12-26T13:21:00.000+02:00

بدون مقدمات انا هربت من جميع التيجان اللي فاتت لكن التاج ده جميل وعجبني وأخدته بمحض إرادتي وسميته ابتسامة
عريضة لان ده التعبير الوحيد اللي لقيته لايق عليه لما قريته عند عصفور المدينة

ساعات كتير الواحد يكون بيضحك وبصوت عالي كمان لكن ساعات الابتسامة العريضة بتكون اجمل بكتير وفيها شوية
هدوء نفسي حلوين

بابتسم ابتسامة عريضة:

لما أشوف منظر صلاة الجماعة عموما وفي الكعبة خصوصا والناس كلها في نفس الوضع وإلا لو السجود

لما اسمَّع الورد اللي عليا تسميع مايخرش المية أمام شيختي

لما اسمع حد بيدعيلي من قلبه وكلام دعاءه المتفصل عليا يلفت نظري

لما اليوم يعدي لآخره من غير ذنوب كوارثية

لما ادخل مدونة محترمة والاقي ردود راقية وناس قلبها على بعضها من غير مايشوفوا بعض ولايعرفوا بعض

لما اشوف واحدة ربنا هداها للصح وتتيقن انها كانت غلط وكمان تقر وتعترف بكده

لما مكونش محددة هعمل أكل إيه واكتشف إن عندي حل سريع وجميل وأكلة شهية

لما الاقي بين ايديا ضرس متين صاحبته مثلا ست بتبيع خضار في السوق ولا عاملة في مدرسة( الفئة دي على فكرة سنانها
حديد من عدم أكل الجاتوة والفينو)

لما بكرة يطلع أجازة مش مدرسة واني هاصحى أصلي الفجر وأنام تاني من غير ما أعمل سندوتشات

لما بنتي الصغيرة(ماكملتش سنتين) تكون بتلعب بعروستها المفضلة وفجأة ترميها عالأرض وتكشر وتسد مناخيرها بايديها
النونو وتقولها (انتي مَلتي بي بي) رغم اني عمري مارميتها عالارض لما عملت كده

لما تحصل خناقة بين اولادي على ان اخر مرة ابوهم كان مسافرفيها (آخر مرة دي ممكن يكون فات عليها شهرين مثلا) ان اسمع حد بيقول للتاني :
أنت آخر واحد نمت جنب ماما الدور عليا أنا طبعا

:) :) :) :)

يارب كتر الابتسامات العريضة والتفاؤل

:) :) :) :)

تعيش الفتة تا تعيش تا تعيش

2007-12-17T11:42:00.000+02:00

ياعيني عليك ياخروف عامل فيها حكيم وبتوصينا.

هنحاول ننفذ وصيتك...............

هنحاول

بنحاول

لسه بنحاول

مش نافع

خلاص مش نافع

سامحنا ياعم الخروف

مانوعدكش

اكتئاب تدويني

2007-11-14T23:35:00.000+02:00

حد عنده علاج للحالة بتاعتي؟

عندي اكتئاب تدويني

عاوزة الف المدونات واقراها واجري

عاملة زي مكون ماسكة الريموت وباتنقل بين القنوات

مش عارفة الظاهر ان التدوين طلع مسئولية

مش عارفة كمان حالتي دي فردية ولا جت لناس غيري

طب ممكن اتعالج منها؟؟؟؟

مش عارفة

رمضان كريم

2007-09-10T19:24:00.000+02:00

اللهم سلمنا لرمضان

وسلمه لنا

وتسلمه منا متقبلا

Only in Egypt

2007-07-14T22:08:00.000+03:00

الختان

2007-07-04T22:13:00.000+03:00

احنا مش بنصدق الاعلام فى أغلب المواضيع و كتير بنفتقد

مصداقيته واحساسنا دايما انه عاوز يوجه تفكير الناس للوجهة اللى

هو عاوزها أو اللى هو نفسه مجبر عليها ومتوجه ليها

ولما بنلاقى حد بيصدق كل اللى بيسمعه بننكر عليه

اشمعنى بقى فى موضوع الختان المفروض اننا نصدق كل اللى

نسمعه واحنا مغمضين

انا قريت اكتر من تدوينة عن الختان وقريت اغلب الردود والحقيقة

الخلاف ده قديم وأزلى لكن كل شوية الاعلام يجدده ويوقع الناس

فى نفس الخلاف القديم بغرض ان الناس لو كانت نسيت نلحق

نفكرها احسن الختان يبقى عادى والناس تقدم على عمله لبناتهم

وتبقى كارثة انه يكون أمر مسلم بيه

مش هتكلم من وجهة النظر الدينية لانها قتلت بحثا واللى مصدق

مصدق واللى رافض يصدق مش بيصدق

هاتكلم من وجهة النظر الطبية بحكم مهنتى

هل عملية هبلة زى

الختان تتحول بقدرة قادر لعملية خطيرة كل اللى تتعمللها تنزف ولا

تموت

مش اللى بيعمل العملية دى بيكون تخصصه اما نسا وولادة او

جراحة؟

المفروض انى انا اصدق ان الدكتور الهمام كل يوم عنده عمليات

ولادة اشى عادية واشى قيصرية ولا شغال عمليات جراحة وياعينى

عليه يجى قدام عملية الختان ويفتقد كل مؤهلات الطب ويتحول

لحلاق وايده ترتعش وعلى الأقل البنت اللى تحت ايده تنزف ولو

حلاق غشيم البنت تموت

والكارثة ان اللى يقرا الخبر يكون دكتور ويصدق زيه زى الناس

ازاى مش عارفة

وبعدين ايه الجو السينمائى اللى بيترسم على اجواء اجراء العملية ده

البنت جرجروها البنت ربطوها فى السرير البنت غموا عينيها

ليه هو احنا سنة كام ده ماشاء الله ولاد اليومين دول بيتناقشوا مع

اهاليهم حتى لو رايحين الملاهى

كنت باتكلم مع واحدة صاحبتى النهاردة فى الموضوع ده فبتقولى ان

السبب فى رفض العملية دى الآثار النفسية اللى بتحصل نتيجة

للختان

فبقولها انا ابنى عمل عملية الزايدة ومن يوم ماعملها مش قادر

ينساها وبيتألم نفسيا لما بيفتكرها

مش قادرة افهم ايه الفرق بين اللوز ولا الزايدة ولا الختان

طب بلاش اللوز والزايدة خلينا فى علاج الاسنان والخلع وجهاز

الاسنان اللى بيزن ولا شكل الادوات المفزع

وده على يدى بيجيلى الطفل من دول مجرجرينه ومرعوب قبل

واثناء وبعد الزيارة

هل الطفل ده لو مؤهل نفسيا من البيت انه علاج ضرورى مش

عقاب هايجى مرعوب؟

هل لو انا ساعدت الطفل انه يتغلب على خوفه وابسطله الموضوع

نظريا وعمليا هايفضل عقبة فى حياته ولا يمر مرور الكرام ؟

ليه مانعرفش بناتنا بالختان بطريقة مبسطة فى بادئ الأمر ونعرفهم

انه ممكن يتعمل وممكن لأ وان اللى يحدد كده الطبيب المختص وفى

نفس الوقت الطبيب المختص يكون بيتقى الله علشان يحدد ضرورة

عمله من عدم الضرورة؟

انا شخصيا عملت كده مع بنتى والحمد لله وصلتها لمرحلة انها

منتظرة الميعاد اللى انا احدده علشان نروح للدكتورة بكل رضا

وقناعة لتنفيذ الشرع

ده غير انى سألت اكتر من طبيبة مختصة اجمعوا كلهم باختلاف

درجة التزامهم انه احيانا بيكون ضرورة لدرجة انه لو ماتعملش فى

وقته انها بتضطر تعمله بعدين وانهم فعلا بيعملوه ومش قادرين

ينكروا ضرورته الطبية فى بعض الحالات بغض النظر عن

الضرورة الشرعية ده غير الطبيبات اللى ماكنتش اتخيل انهم

يكونوا بيعملوه اصلا وطلعوا بيعملوه

وحاجة تانية من ناحية الانصاف هل عدد قليل من الحالات الفردية

اللى اتعرضت لمخاطر يكون هو المؤثر فى قرار منع الختان اكتر

من الحالات التى لا حصر لها اللى ماتعرضتش لأى حاجة؟

ده غير اللى بيرفضوا لمجرد الرفض او للتقليد وبس متعاميين تماما

ان واقعيا قطاع كبير من النساء المحيطين بيهم مختتنات وماسمعناش بالمشاكل اللى عمالين يروجولها

الحمد لله ان فى قطاع كبير مش هايمتنع عن عمله

ولو كره المجرمون

ولو كره الناعقون

المجاهرون

2007-06-29T12:32:00.000+03:00

من أول تعارف بينى وبين المجتمع التدوينى وانا فى حاجة لافتة

نظرى جدا ومش هاقدر انكر انها مضايقانى

الحاجة دى اللى هى بيقولوا عليها حرية التعبير

حرية التعبير فى حد ذاتها شئ كويس ومطلوب ولا يصح انكاره بأى

حال من الأحوال

لكن هل معنى ده انى استخدم الحرية دى استخدام خاطئ؟

وطبعا لتحقيق المبدأ ده فى المجتمع التدوينى تحديدا كان لازم تجد

علينا جمل ماكانتش موجودة قبل كده

فنلاقى مثلا الى تقول أنا حرة فى مدونتى أقول اللى يريحنى

واللى تقول اللى مش عاجبه حاجة فى مدونتى مايزورهاش ( من

غير مطرود يعنى)

واللى تقول انا لازم اكون نفسى ( وهو حد طلب منها تكون المدونة

اللى جنب مدونتها)

واللى تقولها الصورة اللى فى البروفايل بتاعك تتنافى مع الحياء ترد

عليك بكل جرأة وتقول غريبة اوى انتوا ازاى شايفينها كده؟ انا

عمرى ماشفت الجانب السئ اللى انتوا شايفينه انا حاطاها عشان دى

انا دى بتعبر عنى) وتبص فى التعريف بتاعها تلاقيها بتوصف

نفسها انها خجولة!!

واللى تقولها الأغانى مافيش داعى منها تدخلك فى قصص وحوارى

وتدلك على رأى القرضاوى

طبعا دى امثلة للى بيتقال وطبعا لا يخفى على اى حد ان دى حاجات

بسيطة بالمقارنة بالكوارث الموجودة على الساحة

على الرغم من ان نفس الناس اللى عملت مدونات دى كان ليها باع

كبير فى عالم المنتديات وكان استحالة نفس الشخصية تقول نفس

الكلام فى المنتدى اللى بتعتبره بيتها التانى ولا اللى مصاحبة فيه

مجموعة من الأعضاء وبتقابلهم بصفة دورية

لكن الفرق فى المدونات واضح شخصيات غير معروفة لبعضها الا

قليلا يعنى كل صاحبة مدونة ليها كام صديقة مقربة يعرفوها كويس

لكن فى نفس الوقت هى مجهولة لباقى الناس فكونها غير معروفة

بيديها الحق انها تقول كل اللى نفسها فيه بصراحة حتى لو كانت

صراحة فى الغلط

معلش الأمثلة اللى ذكرتها كلها من بنات حواء ومش عارفة ليه

مافيش مرة لقيت واحد حد بينصحه وعمل اللى بيتعمل ده؟

طبعا انا مش قصدى اتهكم ولا أسخر لكن انا باستنكر وجوايا شفقة

تجاه اللى بتقول كده ونفسى تفكر بعقلانية شوية بدون طيش ولا

تسرع

ليه ربنا لما يستر على بستره اصبح انا الصبح جرى على مدونتى

واقول اللى نفسى فيه واعبر زى ماانا عاوزة واضرب بعرض

الحائط أى نصيحة فى طريقى ويلبس علىّ الشيطان ويقنعنى انى لو

ظهرت عكس حقيقتى هابقى باخدع الناس وباخدع نفسى

مين قال كده ؟مين قال ان لو ربنا ابتلى حد بحاجة انه لازم يظهرها

قدام الناس علشان يكون عنده مصداقية ولا شفافية ولا يكون نفسه؟

امال فين كل امتى معافى الا المجاهرون

يستر ربنا على الانسان بستره فيمزق هو الستر ده فيحرم العافية

اللى حلت بأهل الستر

يعنى كل الأمة تعافى الا اللى بيجهر بس هو اللى هايتحرم

طب مش الجهر بالمعصية ده فيه استخفاف بمن تعصيه؟

طب وليه اظهار العناد لأهل الطاعة ولمبدأ الطاعة؟

طب مش كفاية ان المعاصى بتذل أهلها كان لازم كمان الحرمان من

المعافاة؟

طب مش الجهر بالمعصية واشاعتها والتباهى بيها بيحمل الناس

على التقليد والوقوع فيها؟

كل انسان بيعصى لكن هل المصر المجاهر زى اللى لزم الصمت

وقعد يدور على مخرج؟

هل جرب المصر المجاهر انه يركز جهوده لللجوء الخالص لله عز

وجل والدعاء باستماته انه يجد له مخرج بنفس القوة والعناد اللى كان

بيجهر بيهم؟

مش اللى بيطلب حاجة من انسان زيه بيتحاشى انه يظهر قدامه

بحاجة تكون بتضايقه عشان ينفذله طلبه؟

طب مش ربنا سبحانه وتعالى أولى اننا مانظهرش قدامه باللى

يغضبه؟

طب هل فعلا اللى بيعصى لما بيجهر معصيته بيكون صادق لما

يقول انا عاوز اتوب؟

مش الجهر بالمعصية ده بيشيع الفاحشة وبيحول الأمر اللى كان

الانسان لا يتخيل وجوده لأمر عادى مألوف؟

طب مش الانسان لما ربنا يبتليه بالمعصية مش من حقه انه يظلم

غيره بأنه يعرفه اللى ماكانش عارفه؟

طب حتى لو فى امر من الأمور مختلف عليه فقهيا ايه المشكلة ان

الواحد يمتنع عنه حتى من باب التورع عن الشبهات؟

طولت فى الكلام لكن اعمل ايه الموضوع ده مضايقنى

من كلام ابن القيم

2007-06-22T10:29:00.000+03:00

وقد خلق الله سبحانه النفس شبيهة بالرحى الدائرة التى لا تسكن ولابد

لها من شئ تطحنه فإن وضع فيها حب طحنته, وإن وضع فيها تراب

أو حصى طحنته

فالأفكار والخواطر التى تجول فى النفس هى بمنزلة الحب الذى

يوضع فى الرحى ولا تبقى تلك الرحى معطلة قط بل لابد لها من

شئ يوضع فيها, فمن الناس من تطحن رحاه حبا يخرج دقيقا ينفع به

نفسه وغيره وأكثرهم يطحن رملا وحصى وتبنا ونحو ذلك, فإذا

جاء وقت العجن والخبز تبين له حقيقة طحينه

كيف ندعوه ولا نعرف أسمائه

2007-05-19T11:47:00.000+03:00

المعز , المذل , العدل , المبدئ , المعيد , الضار , النافع

الصبور , المحيى , المميت , النور , الهادى

ليس كلنا يعرف ان كل الأسماء اللى المذكورة ليست من أسماء الله

الحسنى ولا تمت لها بصلة لا من قريب ولا من بعيد.

وفى نفس الوقت ليس كلنا يعرف أن الوتر , الجميل , الحيى ,

الستير , المسعر , الرفيق , السيد , الأعلى , الأكرم من الأسماء

الحسنى الثابتة فى الكتاب والسنة ولكنها ليست مشهورة شهرة

الأسماء السابقة

وفى نفس الوقت الآية تقول ولله الأسماء الحسنى فادعوه

بها ....... فكيف ندعوه ونحن لا نعرف أسمائه الصحيح منها من

غير الصحيح؟؟؟

وفى نفس الوقت حديث النبى صلى الله عليه وسلم المروى عن أبى

هريرة رضى الله عنه فى رواية الترمذى إن لله تسعة وتسعين

اسما مائة إلا واحدا من أحصاها دخل الجنة لن نتكلم عن معنى

الإحصاء لأنه حتى الإحصاء المجرد من أى فهم غير متاح لعدم

العلم بأن كثير من الأسماء اشتهر وهو ليس صحيحا وكلمة ليس

صحيحا بمعنى أنه صحيح فى معناه ولكن لا يجوز لنا إطلاقه على

رب العزة سبحانه وتعالى لعدم جواز تسميتنا له تعالى بما لم يسم به

نفسه وليس لأحد أى حق فى إطلاق اى اسم عليه سبحانه وتعالى وإن

صح معناه فى حقه تعالى

منشأ هذا الخطأ كان الوليد بن مسلم وهو كان راوى حديث وكان هذا

الكلام فى مطلع القرن الثالث الهجرى فكان كثيرا مايحدث الناس

بحديث أبى هريرة الغير مختلف فى صحته ثم يتبع الحديث بذكر تلك

الأسماء فكان من يسمع يظن أنها نص من كلام النبى صلى الله عليه

وسلم فحفظوها وانتشرت بينهم فى ذلك الوقت حتى وقتنا هذا ومن

العجيب انا كان فى كل مرة يلقى فيها الحديث كان يستبدل اسماءا

بأخرى فظلت تلك الأسماء محفوظة ومشهورة حتى الآن ونقشت

على حوائط المساجد بل وينشد بها المنشدون.

الكلام السابق كله تلخيص بسيط من مقدمة كتاب اسمه أسماء الله

الحسنى الثابتة فى الكتاب والسنة للدكتور محمود عبد الرازق

الرضوانى أستاذ العقيدة الإسلامية الكتاب أقل ما يوصف به أنه رائع

وفعلا من الكتب التى تستحوذ على الإنسان حتى يتمه لآخره

مازلت فى المقدمة والكتاب حوالى 700 صفحة ربنا يبارك فى

العمر ويبلغنى نهايته لأنى أشعر فيه بالخير الكثير وطبعا أول تساؤل

خطر فى ذهنى هل كل السنوات التى مرت لم يكتشف أحدا من

العلماء القدامى ولا المحدثين ذلك الأمر بل وكنا نسمع شروح

لمشايخ كبار فى شرح تلك الأسماء المشهورة وكان الجواب من

الكاتب فى سياق المقدمة بأن تمييز التسعة وتسعين اسما يحتاج إلى

نص متفق على صحته أو توفيق ربانى ولا يوجد هذا النص و

أما البحث والإستقصاء فمعناه فحص جميع النصوص القرءانية

وجميع الأحاديث النبوية وهذا يستلزم فرز عشرات الآلاف من

الأحاديث وقرءاتها كلمة كلمة

للوصول إلى اسم واحد ولذلك لم يقم

أحد من أهل العلم

سلفا وخلفا بتتبع الأسماء حصرا منذ أكثر من ألف

عام وكان أغلب ماجمع لا يتعدى كونه اجتهادا وما زاد من الحيرة

أنه بالإضافة لما أشاعه الوليد بن مسلم من أسماء أنه قام بشرحها أو

ذكرها أعلام كبار من السلف والخلف فى كتبهم.

يسر الله تعالى للدكتور الرضوانى باستخدام الحاسوب والعكوف

على البحث والإستقصاء لمدة عامين كاملين فى إحصاء التسعة

وتسعين اسما

وكانت المفاجأة التى لم تكن فى الحسبان على قوله أن الشروط

والضوابط التى وضعها للبحث لم تنطبق إلا على تسعة وتسعين

اسما فقط كما ورد فى الحديث ولم يكن فى الأمر أى تحايل لجعل

عدد الأسماء محصورا فى هذا العدد تحديدا وهذا يدل ايضا على

إعجاز نبوى جديد تحقيقا للحديث .

ولطيفة اخيرة أعجبتنى فى المقدمة أن الحديث نص على أنها تسعة

وتسعين اسما وكان من الممكن أن تصل إلينا الرواية بكونهم تسعة

وسبعين أو سبعة وتسعين اشتباها حسب رسم الخط لكن حديث النبى

صلى الله عليه وسلم كان قاطعا حيث أنه قال تسعة وتسعين اسما

مائة إلا واحدا فلا مجال للخطأ بأى حال من الأحوال

أتمنى ان كل من يقرا هذه التدوينة يسارع باقتناء هذا الكتاب الرائع

لعلنا بعد معرفة أسمائه سبحانه وتعالى أن ييسر لنا الدعاء بها

ويرزقنا من بعده الإجابة إنه ولى ذلك والقادر عليه.

يارب سِّلم

2007-05-12T22:39:00.000+03:00

ربنا يكرمنا جميعا ويجعلنا من أهل الأمر بالمعروف والنهى عن

المنكر

طبعا فى مواقف كتيرة بتمر بينا فى حياتنا بتلزم الواحد انه يقوم

بالدور ده سواء بالأمر او بالنهى لكن بعد ما ربنا يوفق الشخص

للعمل ده ممكن يقعد مع نفسه ويسألها :

طب انتى قولتى كده وعملتى كده هل انتى فعلا بتلتزمى بده مع

نفسك قبل ماتنصحى غيرك بيه طبعا ممكن يكون حديث نفس

وممكن يكون الشيطان بيتدخل بحيله لإفساد ما تم

ويجى كمان حديث النبى صلى الله عليه وسلم : يجاء بالرجل يوم

القيامة فيلقى فى النار فتندلق أقتابه فى النار فيدور كما يدور الحمار

برحاه فيجتمع أهل النار عليه فيقولون : أى فلان ما شأنك ؟ أليس

كنت تأمرنا بالمعروف وتنهانا عن المنكر ؟ قال : كنت آمركم

بالمعروف ولا آتيه وأنهاكم عن المنكر وآتيه

الحديث ده مرعب فى معناه

وطبعا أحيانا الواحد بيكون عنده خطأ معين وهو عارفه كويس ولكن

لو شاف حد بيعمله مش بيقدر يمسك نفسه انه ينهاه عن فعله ومش

بس كده ده بيصاب بحالة من الإستغراب انه ازاى يعمل كده

ويستفيض فى ذكر العقاب المنتظرويقعد يوعظ اللى قدامه باستماته

انه يمتنع عن هذه الفعلة ويشعر أثناء موعظته للغير ان الأمر هين

ويمكن التخلص منه بسهولة

هل ده تناقض؟؟؟ مش عارفة

لكن الواحد فعلا لما بينصح اللى قدامه بيكون من قلبه فعلا وبيكون

عنده رفض حقيقى للخطأ مش بيصطنع

وزى كلام أبو الأسود الدؤلى

لا تنه عن خلق وتأتى مثله عارعليك إذا فعلت عظيم
وابدأ بنفسك فانهها عن غيها فإن انتهت عنه فأنت حكيم
فهناك يُقبل إن وعظت ويُقتدى بالقول منك وينفع التعليم

أسأل الله لى ولكم السلامة والعافية

كلام جرايد

2007-05-02T14:56:00.000+03:00

الحقيقة إنى وقتى

مش متسع كفاية لقراءة الجرايد وكل فترة أكتشف إن عندى عدد لا

بأس به باكون أنا اللى

مجمعاه على أمل انى أقرأها فى أى ثغرة ألاقيها وفى ثغرة من تلك

الثغرات قرأت كام

جريدة ولفت نظرى كام خبر منهم الطريف ومنهم ماهو دون ذلك

"موديل محجبة " اسم يطلق على الفتاة التى تظهر فى الفيديو كليب

ولكن بالحجاب

أحدث

تقليعة والواحد ولاهنا الحمد لله انى مش هنا وأتمنى دايما أكون

هناك

المهم

بنت منهم

ظهرت فى أغنيات عادية وأخرى دينية بتتكلم وتقول : لا توجد

حرمانية فى

ظهورى بالحجاب فى أغنيات طالما لا أظهر بشكل سئ وربما

أتحول إلى نموذج تقتدى به

البنات صغيرات السن لأن عدد الموديل المحجبة قليل جدا ويكاد

يكون نادر

بالإضافة أن

بعض الموديلات يرتدين الحجاب من أجل الكليب فقط .

..............................................

مسابقة أقيمت فى حديقة الأزهر من يومين للحصول على لقب أقوى

رجل فى مصر الفائز حصل على جائزة مالية قيمتها 15 ألف جنية

كانت وصفته للفوز

فى المسابقات القادمة

سهلة وبسيطة علشان لو حد عاوز يبدأ فى التجهيز للمنافسة وهى

عبارة عن عشربيضات فى الفطار ودجاجتين فى الغدا فضلا عن

منتجات الألبان

. مافيش أسهل من كده

أقترح ان لو فى شاب عاوز يتجوز ممكن

يدخل المسابقة دى

لمدة مرة مثلا لو عاوز يتجوز

جوازة على الأد ومرتين لو المستوى أعلى شوية وتلاتة لو من

أرباب البهرجة وأهو

كأنه عامل تلات جمعيات ورا بعض ده بالإ ضافة لللقب اللى

هايتقدم بيه للعروسة.

يابلاش

.......................................

أمريكية تبلغ

من العمر 95 ربيعا دخلت موسوعة جينيس بوصفها اكبر

طالبة جامعية فى القرن وهى بتوصف

نفسها بحبها للدراسة والمواظبة على حضور المحاضرات

وانها تسعى للعمل على متن سفينة

سياحية بعد تخرجها

الخبر ده للناس اللى امتحاناتها عالابواب

هل من منافس

ياشباب
................................................................

ناظرة مدرسة إعدادية للبنات

فى بورسعيد

تسترت لمدة عام على مزرعة بانجو داخل فناء المدرسة مع

ملحق غرزة تابعة

للمزرعة

للتعاطى فى حجرة التربية الرياضية مقابل

إتاوة

يومية

ماشاء الله الشئ لزوم الشئ

.......................................................................................

طلاب المدينة الجامعية بجامعة القاهرة فى حالة غضب لأن وزير

التعليم العالى أكد فى مجلس الشعب أن تكلفة التغذية فى

المدينة الجامعية تتراوح بين 550 و750 جنيه شهريا فى حين يدفع

الطالب 60 جنيه فقط

والباقى تتحمله الجامعة .أكد بعض الطلاب

اللى غاويين مشاكل

أنه على كلام الوزير فالمفروض يكون الأكل كباب وكفتة وفتشوا

السر ان

الفطار والعشا عبارة عن طبق فول لايزيد على أربع ملاعق مع

قطعة جبن وبيضتين ورغيف لا

يصلح الا علفا للمواشى أما الغدا فهو ساخن فعلا ولكن عبارة

عن ساندوتش طعمية خارج

أسوار الجامعة

شباب غريب عاوز يدفع 60 جنيه وياكل ايه مش

عارفة؟؟؟؟

.................................................................

كل طالب فى

الجامعة الألمانية تقريبا معاه لاب توب

اللهم لا حسد

والخبر بيناشد اللى يشوف حد منهم فى الجامعة انه ولا يحقد

على الطالب

ولا يدعى انه بيلعب جيم أو بيعمل شات مع اصحابه لأنه ببساطة

بيذاكر

وواحد من الطلاب

شرح القصة وقال ان كل واحد من الطلبة له موقع باسمه على

system

الكلية ولما يدخل

يكتب الاسم وكلمة المرور فتفتحله كل حاجة تخصه المحاضرات

والغياب والدرجات ومواعيد الامتحانات وتعليمات الدكتور

والتكليفات المطلوبة ده غير الامتحانات اون لاين

يعنى أى

حاجة

وكل

حاجة

. جميل . ولا عزاء للجامعات المصرية.

.......................................

مواطن ريفى استثمر مبلغ مالى

فى شراء جاموسة بالنص مع شقيقه وكان يوم حضور الجاموسة

كما جاء فى الخبر يوم عيد

وجرى لها استقبال رسمى يليق بقيمتها وبعد تعارف الزوجة

والجاموسة حاولت الزوجة

حلبها ولكنها للأسف لم تستجب وعندما قام الزوج بذلك استجابت

وطالب الزوجة بالحنية

معها حتى تستجيب واستمر هذا الحال شهرا كاملا والجاموسة لا

تستجيب للزوجة

وتستجيب

للزوج

اشتد الخلاف بين الزوجين واحتدم وفى لحظة من ذات اللحظات

الزوجة خيرته بينها وبين

الجاموسة فالزوج فضل

فضل مين ؟

فضل مين؟

فضل الجاموسة طبعا

ورمى يمين الطلاق على الزوجة

تخيلوا لما كل حد يسألها اتطلقتى ليه ؟؟؟؟

تقول

ايه؟؟؟؟؟؟

اتطلجت بسبب

الداموسة

وبس كفاية كده

النهاردة

سبحانك ربى

2007-04-27T20:29:00.000+03:00

فالق الإصباح

ألم تر إلى ربك كيف مد الظل

وماتسقط من ورقة إلا يعلمها

وأوحى ربك إلى النحل أن اتخذى من الجبال بيوتا ومن الشجرومما يعرشون

ويخلق مالا تعلمون

سبحان الحى الذى لا يموت

كل من عليها فان ويبقى وجه ربك ذو الجلال والإكرام

هو ده أنا

2007-04-22T15:13:00.000+02:00

أنا العبد

الذى كسب الذنوبا وصدته الأمانى ان يتوبا

انا العبد

الذى أضحى حزينا على زلاته قلقا كئيبا

أنا العبد

الذى سطرت عليه صحائف لم يخف فيها الرقيبا

أنا العبد

المسئ عصيت سرا فمالى الآن لا أبدى النحيبا

أنا العبد

المفرط ضاع عمرى فلم أرع الشبيبة والمشيبا

أنا العبد

الغريق بلج بحر أصيح لربما ألقى مجيبا

أنا العبد

السقيم من الخطايا وقد أقبلت التمس الطبيبا

أنا العبد

الشريد ظلمت نفسى وقد وافيت بابكم منيبا